Një milionë student mbushën 180 sheshe italiane për klimën.

Nga Milano deri në Napoli, mobilizimi në mbështetje të aksionit kundër ndryshimeve klimatike, ka qenë i jashtëzakonshëm në vendin fqinj.

“Na shkatërruar mushkëritë”, ishte motoja e të rinjve të frymëzuar nga aktivistja suedeze Greta Thunberg, që shkroi në Twitter: “pamje të mrekullueshme mbërrijnë nga Italia”!.

“Për të gjithë ne, kjo është shumë emocionuese. Greta na beri thirrje të dilnim nëpër rrugë dhe është e rëndësishme që kjo të ndodhë sepse duhet ti kërkojmë qeverisë të marrë masa për klimën, për mjedisin, sepse ai po vdes. E gjithë kjo ka pasojë direkte mbi jetët tona. Duhet të jemi të bashkuar, sepse vetëm bashkimi do ta sjellë ndryshimin”, ka thënë një gjimnazist.

“Ishte këmbëngulja e Greta Thunbergut ajo që më bëri të kuptoj se po nuk e zgjidhëm këtë problem, nuk do të ketë të ardhme për botën tonë. Unë po studioj shumë që e ardhmja ime të jetë e mirë, por e gjithë kjo do të jetë e kotë, nëse pas disa vitesh, nuk do të ketë më tokë”, tha një tjetër gjimnaziste.

Organizatorët e manifestimit të Romës thane se në Piazza della Republicca nuk ishte parë ndonjëherë një grumbullim I tillë njerëzish.

“Ky është absolutisht tubimi më masiv i të gjithë viteve të fundit”, u shprehën ata. Edhe Milano u ngrit në këmbë për klimën, falë të rinjve.

“Jemi gati 200 mijë vetë që kemi dalë në rrugët e qytetit”, tha një protestuese, Sara Brizzolara. Nga Amazona në Siberi, katastrofa ekologjike po ndodh përpara syve të të gjithëve, e sërish, qeveritë nuk lëvizin as gishtin, shtoi ajo.

Tubime massive pati në një sërë qytetesh të Italisë, përfshire Firencen, Palermon, Bolonjën e Barin.